~ Renungan Republik Uyeeh ~

" dari mane lu din ? Bengkak amat matanye, dipukul ame siape? " kate kong Rt

" dipukul ame kepedihan udin sendiri,. Sakiiit kong." kate udin murung

" jiahahaha... Jam segini udah lebay , Nangis lu ye" tanya kong Rt lagi,

" iye kong dikit, hehee, jadi malu, abis ziarah ke makam almarhum babe, jadinya udin kangen lagi" jawab udin,

"ohh, ya bagus tu, tapi jangan nangisin yg udah pegi dong, kaga baek, jadi dose, apa lagi kalo diliat ama babe lu, pasti sedih liat lu begini,.mending lu doain,.Biar dilapangin Surganye,. amiin" kate kong Rt,.

" iye, udin juga doain kong, bukan itu yang bikin udin sedih" kate udin

"abis ape? " kong Rt motong

" Udin sedih ame nasib udin, makenye udin pengen cerita ame almarhum babe, udin kadang ga tahan, semenjak babe pigi, udin sendiri ga ade yang urusin, biasanye babe yang belain kalo ade ape-ape, sekarang udin susah sendiri, nanya sendiri, jawab sendiri, ye kalo salah, salah sendiri,.Udin pengen cerite ame babe sakitnye udin, sekarang ga ade yg peduli ame udin" kate udin

"hmmhhh, diiin.. Din,. Ya Udeh, susul sane ke akherat, terus curhat yg panjang,." kate kong Rt nyindir

"iye kong,. Mau,. Udin pengen mati aje, dari pade tiap hari sakit kayak gini, ya badan, ya hati, mending mati, " jawab udin ngagetin

"Allahu Akbar,..Ngomongnye,. Sembarangan lu, emang lu siap,. Udeh pasti dose lu ngomong kayak geto, inget kate nabi kita ape, "barang siapa mengharapkan kematian, kemudian kematian datang kepadanya ketika dia mengharapkan, maka terhapuslah seluruh amalannya " tuh berani luh? " kate kong Rt

"Naudzubillah,. Serem amat kong, berarti neraka dah pasti dong, Naudzubillah,. Ampuuun ya Allah " kate udin

"iye , makanye, ngomong jangan pake emosi mulu, tenangin hatinya, yang udeh terjadi ga akan balik lagi,. Emang kadang sakit buat kite, tapi Allah lebih tau yg terbaik,.Ga da jalan kecuali sabar, hmhhh " kate kong Rt narik nafas panjang

" Boleh jadi kamu membenci sesuatu, padahal ia amat baik bagimu. " (QS. Al-Baqarah: 26)

"Barangsiapa Kuambil orang yang dicintainya didunia tetap mengharapkan ridha(Ku), niscaya Aku akan menggantinya dengan surga" (Al-Hadîts)

"Selamat atasmu karena kesabaranmu. Maka, alangkah baiknya tempat kesudahan itu." (QS. Ar-Ra'd: 24)

ampuni hati ini ya Allah, yang kadang masih jauh dari sabar,.. amin,.

Ya Udeh,. selamat siang ya Warge, mohon maaf kalo ade salah-salah kate

wassalam

~ Ketua Rt Republik Uyeeh