~ Renungan Republik Uyeeh

"waduhh din, dapet dari mane nih jambu aer banyak banget" kate kong Rt

"ngambil kong, dari Rumeh Pa Haji Umay nyang pelit ntu tu " jawab udin sambil terus makan,

" lu ngambil lu ?Kaga minta dulu, Pa Haji kan lagi kaga ada "

"nyuri kong, mumpung lagi kaga ada, mane mau orang pelit kayak die ngasih, ya udeh aje udin Curi " jawab udin

"Hadoohh din, ade-ade aje lu, emang Pa Haji kaga liat, tapi Allah kan lihat" kate kong Rt

" iye Udin tau, tapi Allah kan pasti Ngerti kalo Udin laper " jawab udin

" terserah lu din, yg jelas Haram dan Halal udeh jelas ayatNye, ga useh diributin,. Hati lu sendiri yg Tau, ga useh kong Omongin "

"iye kong maaf,. Udin kapok, tadi waktu Udin nyuri, kaga lihat Tuhan, astagfarullah, udin Tobat, ko jadi pengen nangis ya kong, " kate Udin berhenti makan, terus nunduk nangis,

"Udeh din jangan nangis, itu tandenye, sebenernya lu nyadar Kalo Allah kaga suka kalo lu begini, udeh .. Udeh ahh, jelek amat sih lu nangis,neh beli nasi sane, " kate kong Rt sambil ngasih duit 5rebu

hadooh, Sedih banget warge, kadang kite ga nyadar kalo kite sesungguhnya Selalu diawasin kayak ade cerite neh, dulu jaman sayidina Umar,

ceritanye dulu Saidina Umar yg terkenal sering nyamar jadi Rakyat jelata, padahal die Khalifah di masanye,. Ketemu ame anak kecil yg lagi gembalain kambing banyaaak banget, die suka ma kambingnye yg bagus-bagus, terus dipanggil tu anak

" Wahai anak ! Aku tertarik pada kambing-kambingmu ini, bolehkah aku beli seekor?"

" jangan Tuan, ini bukan kambing saya, namun punya majikan saya" jawab penggebala itu

"ah ... Kalau dijual seekor saja tentu majikanmu tak akan tahu" kata sayidina Umar

dengan tegas anak itu ngejawab
" Fa ainallah ya sayid !! ( kalo begitu dimana Allah ya Tuan?)

seketika Sayidina umar, terdiam, ngerase tersambar petir, dengerin jawaban dari penggembala itu, dan Sayidina Umar nyadarin khilafnya,

ampuuun ya Rahim, Saidina Umar aje lupa, yg jelas-jelas orang saleh,. Apa lagi aye yg masih jauh dari amal dan ibadeh,. Ampuuun ya Allah,.

"Hai Abu Dzar ! Sembahlah Allah seolah-olah engkau melihat kepada Nya. Bila engkau tidak melihat Allah, maka yakinkan (dalam hatimu) bahwa Allah melihat engkau (Al Hadits)

ampuni hati ini yg kadang khilaf ya Allah,. Amin,.

Hmmhhh Ya Udeh, selamat beraktifitas ya warge, maaf ye kalo ada salah-salah kate,.

Wassalam

~ Ketua Rt Republik Uyeeh