‎~ Renungan Republik Uyeeh

ceritanye si Udin lagi ikut nonton dirmh kong Rt nungguin bola

"enek kali nonton iklan ini,.Orang kaye ngomong miskin, kayak pernah tau aje rasanye miskin kayak si Udin,. Jiahahaha... " kate kong Rt,.

" ko bawa-bawe udin segale, " kate udin motong,

" becande din, sensitif amat sih lu,." kate kong Rt

" ya iyalah, udin lagi suseh, kalo ade yg nasehatin aja kayak dihina, apalagi lagi ade yg ledek " kate udin malah ngambek

"waduh,. Cemberut, makin kaya cecurut lu, jiahahaha,. Makenye din dunia itu jangan dipikirin, usahain, kite orang muslim kaga boleh lemah, ade sahabat nabi bilang gini " sesungguhnya kefakiran itu dekat dengan kekufuran, "
makanye usahe, lawan tu susahnye elu, jangan dikhayalin mulu," kate kong Rt,

" terserah kong aje lah,. Pusing udin " kate udin

" bener ye, susah emang kalo dunia disimpen dikepale,. Bawaannya emosi mulu,. Bener ape kate firman Nya :

" Mereka mengira bahwa tiap-tiap teriakan yang keras ditujukan pada mereka " (QS. Al-Munâfiqûn: 4)

padahal setingginye dunia, tetep aje dibawah kaki" kate kong Rt

" ya elah, naudzubillah, udin ga kayak gitu-gitu amat kong " kate udin kaget, terus die sambung lagi

"jadi udin mesti gimane kong?" kate udin

"jalan lu keluar sane, langkahin kaki lu, dunia ini bukan rumah lu doang,." kate kong Rt

"tapi udin takut kong, diluar tu buat udin serem, apalagi kayak diberita tu, wudduhh,. Serem pokonye, mening dirumah aje aman, dari pada tiap mo pigi ga enak hati" kate Udin,

" din... Diiin, ga enak hati lu ikutin, kayak orang jaman dulu aje mikirnye apes ame mitos,. Lu percaya Tuhan kan? Ya udeh, langkahin kaki, minta Ridho Nya

" Dan, cukuplah Rabb-mu menjadi Pemberi Petunjuk dan Penolong " (QS. Al-Furqân: 31)

" Berangkatlah kamu baik dalam keadaan merasa ringan ataupun berat " (QS. At-Taubah: 41)

"iye juga ya kong? Tapi kambing udin gimane? Apalagi bawa duit pas-pasan, gimana kalo laper dijalan" kate udin,

"ya udeh jangan ngomong lagi kalo gitu, berarti, emang maunye lu begitu, jangan ngeluh ma Tuhan kalo lu ngerasa ga cukup,.emang lu sendiri kan, yang milih cukupnye segitu " kate kong Rt

" iya juga ya kong, gede dari Allah, kecil juge dari Allah, yang gede aje mintanya sekalian,. Hehee" kate udin

" nah, itu lu tau,. Siape yg batesin doa? Kita sendiri kan, malu lu kan, kalo sekarang lu minta mobil, sepeda aje kaga punya,. Yang kecil dulu,. Teruuus usahe,. Sebisa Elu,. Sisanye Serahin maha Allah yg Maha Rahim " kate kong Rt,.

" hmhhh,. Semangattt,. Bener kong,. Udin keluar ahh, mo liat dunia, siapa tahu dapet ape gitu,. Pokonye Udin bisaaa !! " kate udin semanget,

" Alhamdulillah, akhirnya, lu sadar juga din, moga aje jangan semangat 45 ... Empat lima menit ade, sisanye medem lagi,. Jiahahaha" kate kong Rt ketawe

" oh iye kong " kate udin ngagetin

"apalagi din, pegi lu sane " kate kong Rt

" minta duit kong, cebaaan aje, buat ongkos jajannye,. Hehe" kate udin

"wadduhh,.cape dehh, nyesel gw bilangin, hmmhhh,. Nih .. Nih.. Keluar lu sane, liat yg indeh-indeh " kate kong Rt narik Nafas, sambil ngasih duit ceban

" Dan, mereka memikirkan tentang penciptaan langit dan bumi (seraya berkata): " Ya Rabb kami tiadalah Engkau menciptakan ini dengan sia-sia, Maha Suci Engkau. " (QS. Ali 'Imrân: 191)

Subhanallah.... Ampunillah kami ya Allah kadang taj bisa melihat,.maka putih kanlah hati ini dari dengki, dan hitam nya kekufuran, dan kami berlindung padamu, dari lemahnya iman dan kefakiran ...
amin

Mohon maaf ye warge kalo ade salah-salah kate

Wassalam

~ Ketua Rt Republik Uyeeh