"ngapaen lu din, malem-malem ngelamun didepan rumeh " kate kong Rt
"lagi ngademin hati kong, kalo dikamar terus, lame-lame udin bisa gantung diri" kate udin,
"ya elah, ngomongnye sompral amat, makenye banyak dzikir biar hati lu tenang " kate kong Rt,
"udeh kong, malahan udeh berdoa berapa kali aminnye, tapi tetep aje udin resah " kate udin,
"kali aje lu amin nya di kepale, bukan dihati, gimana lu mo tenang, iman itu kaga cuma mulut doang din, orang yg bener yakin, kaga bakal sedih kayak elu,
" Dan, janganlah kamu bersikap lemah, dan janganlah (pula) bersedih hati, padahal kamulah orang-orang yang paling tinggi (derajatnya), jika kamu orang-orang yang beriman. " (QS. Ali 'Imrân: 139)
"iye juga ya kong, tapi tetep aje, tiap malem udin sedih masih kayak gini, besok kayak gimana udin kaga tau, hidup udin cuma khayalan, udin pengen idup di kenyataan kayak orang laen" kate udin
"nah, itu yang bikin lu sedih, segala sesuatu dibayangin mulu, katenye suseh ... Suseh ... Buktinye lu masih idup ampe sekarang, berarti dapet rejeki tiap detik kan lu " kate kong Rt
"iye kong, idup sih idup, tapi sekedar idup doang, kaga nikmatin kayak orang laen,.Pade bisa plesiran, maen di mall, macetin jalan, coba udin, masuk swalayan aje diusir, disangke mo ngutil " kate udin
"yah, terserah lu aje din, kalo orang lagi panas hatinye, disiram air 7 galon juge kaga bakal dingin kecuali Allah yang balikin hatinye,
" Bukankah Kami telah melapangkan untukmu dadamu. " (QS. Al-Insyirâh: 1)
" Barangsiapa yang Allah menghendaki akan memberikan kepadanya petunjuk, niscaya Dia melapangkan dadanya untuk (memeluk) Islam. " (QS. Al-An'âm: 125)
"Allahu Akbar... udeh kong ahh, udin jadi merinding, inget dosa, kalo denger Ayat Nya Iyee,.Iye .. ampun ... ampun kong,. Udin yg saleh" kate udin,
"idiih siape yg nyalahin elu, gw cuma mo bilang, lu sabar aje, udeh masuk rumeh sane,.Besok mah kaga usah dipikirin, yang udeh-udeh jangan dikhayalin, lu jalan aje, entar juge ade yang ngarahin insha Allah "
" Dan, sungguh akan Kami berikan cobaan kepadamu, dengan sedikit ketakutan, kelaparan, kekurangan harta, jiwa, dan buah-buahan. Dan berikanlah berita gembira kepada orang-orang yang sabar. " (QS. Al-Baqarah: 155)
"Maka, Allah mengetahui apa yang ada dalam hati mereka lalu menurunkan ketenangan atas mereka dan memberi balasan kepada mereka dengan kemenangan yang dekat (waktunya). " (QS. Al-Fath: 18)
Maha Benar Allah dengan segala Firman Nya,.
Hmmhh,. Ga kerase udeh malem lagi, kong juge kadang takut, kadaaang resah besok mesti gimane, padahal udeh jelas ayat Nya, kalo semuanye udeh diatur sebaik-baiknya, ga mungkin kaga adil,. Hmmhh,.
Ya Allah,.ampunilah hati ini, ampuni pikiran ini yang bener-bener lancang,. ampuuun ya Rabbi,. amin,.
Ya Udeh, met malem ya warge, mohon maaf kalo ada salah-salah kate,.
Wassalam
~ Ketua Rt Republik Uyeeh
Tidak ada komentar:
Posting Komentar