~ Renungan Republik Uyeeh
" kong, kenapa sih nasib udin susah terus, padahal kurang ape udin usahe,. Apees mulu " kate udin duduk sambil nupang dagu ikut nonton dirumah kong Rt "
" asal aje lu ngomong, di agama kite ga ade bahasa apes, yg bikin sial ya orangnye bukan harinya.. " kate kong rt
" maksudnye kong ?" tanya udin heran
" maksudnye din, kalo lu lagi bikin dose, na ntu hari lu sial,. Kayak kemarin lu nyolong jambu aer pa haji,. Jiahaha. "
" yee, kong Rt,. Malaikat jg pasti ngerti kong, udin aus, laper,. Kalo minta, mane ade haji pelit itu ngasih,. " kate udin,.
" ssstt,. Kemane aje lu ngomong din. Suudzon mulu,. " kate kong Rt,
" iye, maaf kong,. Udin cm sedih aje, apapun yg udin lakuin tetep aje miskin,. Udin kalo laper masih bisa nahan, cuma kalo dihina itu yg udin kaga tahan " kate udin sedih
" ye jgn didengerin din,. Tutup kupingnya pake cobek,. Jiahaha " kate kong Rt
" yahh, kong Rt same aje, bisanya ngeledek doang, ga adil buat udin, sok aje misalnya bulan Ramadhan, orang kaye belagu2 an, katenye biar rasain haus dan laper kaya orang susah, ehh pas buka, pake korma dulu,. Kan mahal kong, tau ga mereka gmane rasa sakit hatinye, pas bedug kaga punya ape2 " kate udin
",. Ahh lu din, udin, udeh ke aer dulu sane, ambil wudhu, biar hati lu adem " kate kong rt
" hmm, iye kong, apapun yg terjadi insha Allah udin percaya kalo sejeki udin ga akan kemana2 " kate udin
" alhamdulillah, ya udeh sono magrib dulu tu "
" siap komandan Rt,. Tp udeh sholat, udin minta goceng ye? Buat beli gorengan, hihihi " kate udin nyengir
" hahh,din..Din, kayak pejabat aja lu din ,ujung2ny duit,.. Iye.. Iye cepet sana, mo adzan tu " kate kong Rt
{ Dan, dilangit terdapat (sebab-sebab) rezekimu dan terdapat (pula) apa yang dijanjikan kepadamu. }
[QS. Adz-Dzâriyât: 22]
{ Dan, tidak ada suatu binatang melatapun di muka bumi melainkan Allah - lah yang memberi rejekinya. }
[QS. Hûd: 6]
{ Allah, tidak membebani seseorang melainkan sesuai dengan kesanggupannya }
[QS. Al-Baqarah: 286]
Maha Benar Allah dengan segala firman Nya
deuuh nggak kerase udeh magrib lg,. Ya udeh mohon maaf ya warge kalo ade salah2 kate
wassalam
~ Ketua Rt Republik Uyeeh
Tidak ada komentar:
Posting Komentar