"kaset apaan tu din? Kaga enek lu, jam segini nonton dvd?"kate kong Rt
"bagus neh kong,.Judulnye Pocong Belangsak, artisnye..Uuh, Julia Gebes, dijamin Uyeeh Kong"jwb c Udin
"Perasaan tiap lu rental kaset,felm nya yg gituu mulu, kemaren Kunti Kebelet Pipis..Terus ape tu, O iye, Suster Ngepot,..emang kaga ade felm yg lebih bermutu"kate kong Rt
"yahh ngkong, kalo ga suka ya udeh jangan nonton, kaga usah protes, lagian Udin kan doyan. Terserah Udin dong" kate Si Udin asem
"Ya elah, bukan geto din, ngkong juga suke, tapi jangan keseringan juge, engkong kangen film2 jaman dulu tu, waktu Rano karno masih muda, baguuus bgt filmnya, apalagi yang perjuangan tu, kayak Serangan fajar, terus Bandung Lautan Api,.Bikin kite Semanget, ame cinta ame Republik,.Kalo film yang gini, dimane pelajarannye,.hmhh " kate kong Rt
"ciyeee, kong Rt ngeremehin, biar kong Rt Tahu ye, gara-gara sering nonton felm setan, udin sekarang ngerti ame keadaan Bangse di Republik ini" kate Udin
"wadduhh,. Ape hubungannye Setan ame Negara?" kate kong Rt penasaran,
"Sekarang Udin Sadar, gare-gare Pemimpin kite yg bisanye cuma Prihatin, Rupannye bukan Udin aje yang Belangsak,.Setan di Republik ini, ikutan jadi Prihatin Kong,"
"Maksudnye ?? " kong Rt makin penasaran,
"Coba aje bandingin ame Setan Luar Negri yg Negaranye Maju,. Tuh drakula, pake jas mahal, diemnye dikastil, minum darahnye juga, pake gelas baguuus bgt kong, pernah nonton Udin, yang lainnye Vampir,.Yg dari Cina ntu kong, bajunye pake bordil emas, pake kalung, pake topi yg ade hiasannye, diemnya juga dirumah gede,Coba setan Kita ,.Udin Miris nontonnye, bukannya takut.."
"Emang kenapa?" kata kong Rt
"ya itu jauuuh banget nasibnye kong,.Belangsak kayak Udin, tu liat kuntilanak, pake baju compang-camping, rambut kaga pernah nyampo,diemnye di pohon asem,udeh kena gusuran kali,kuburannye jd Mall,pocong...Boro boro pake hiasan,. Cuma kaen kumel doang... Yang Paling Parah, Kolor ijo...Pake kolor doang..Miris Udin, bener-bener mencerminkan keadaan Bangse dan Negare"
"Jiahahaha.. pinteeer Lu din.. Jauh banget daya pikirnye,.. Sampe liat setan aje lu miris..Jiahahaha.. Diin din..."
huhh dehh,.segitu aje ye Warge,.Udeh mo magrib...Yok shalat buat yang laksanain... Bener kate si Udin...Gare-Gare Pemimpin yang Bisanye Prihatin..Warge Prihatin... Setan juga prihatin diem di Republik ini,.Itu kate si Udin ye ..Jiahahaha..
Wassalam
~ Ketua Rt Republik Uyeeh
Tidak ada komentar:
Posting Komentar