~ Renungan Republik Uyeeh
Ceritanye hari udeh malem, tp si udin neh hari kaga kemane2, diem aje dikamar sedari pagi, kaga makan kaga ape,. Terus mamakny khawatir
" din, lg ape sih lu, dikamar mulu " kate emak, masuk ke kamar udin
" nggak ape2 mak, " kate udin singkat
" knp lu? Cerita ame emak, emak tau pasti ade ape2 lu " kate emak lg
" udin sedih mak, mak kalo udin baek nggak seh? " kate udin
" ko nanye geto din? Ya baek lah, anak emak " jawab emak
" ya elah emak, kemaren aja, marah-marahin udin mulu, lantaran udin bego, bodo, ga bisa bantu emak, maafin udin ya mak " kate udin
" ahh, neh hari aneh banget lu, sane makan dulu " kate emak motong
" nggak ahh, udin kenyang " jawab udin
terus tiba-tiba si udin curhat ama emaknye
"mak, baik itu apa sih? " kate udin
" hmm, nggak tau din, emang kenape lu, ade2 aje ah " jawab emak
" banyak yg bilang udin baek, katenye udin disuruh apapun mau, udin ikhlas " kate udin
" ya bagus dong, ko jd sedih? " emak balik nanya
" tp kalo udin baek, knp banyak yg hina udin? Tp kalo udin nurut knp dibilang bodo? Tp kalo udin sayang ama orang, kenapa udin dibuang? Ga tau mak,. Udin ikhlas mak, tp tetep aje ada bagian yg sakit "
" haduh gayanye, emang apanye yg sakit din " tanya emak
" ininya mak " jawab udin sambil neken dadanye,
ngeliat itu, emak langsung diem, trs ngomong ame udin lg
" din, maafin emak ye, emak kaga bs bahagiain lu, emak sanggupnye segini, tp lu jgn nyesel udeh berbuat baek, selame lu jujur, dihina jg kage ape2 " kate emak
" iye ma, tp kadang udin dendam, udin ga sebaek itu, udin pengen ngerasain kayak orang2, " kate udin
"hmm, ya udeh, tidur sane, udeh jangan mikir yg aneh2 ahh, berdoa dulu tu, jangan putus asa kalo minta ama Allah " kate emak lg trs keluar dari kamar udin,, dalam hati emaknye berdoa,. " ya Allah, mudahkanlah rejeki anak hamba, sabarkanlah kami,hempaskanlah segala ragu akan buruknya hari esok, dan hanya pada Mu lah kami meminta,. Amin "
{ Dan, janganlah kamu berputus asa dari rahmat Allah sesungguhnya tidaklah berputus asa dari rahmat Allah kecuali orang-orang kafir } (QS. Yusuf: 87)
{ Sesungguhnya, rahmat Allah sangat dekat kepada orang-orang yg berbuat baik } (QS. Al-A'raf: 56)
{ Janganlah kamu bersedih karena sesungguhnya Allah bersama kita } (QS. At-Taubah: 40)
{ Dan, rahmat-Ku meliputi segala sesuatu } (QS. Al-Araf: 156)
Maha Benar Allah dengan segala firman Nya
hmmm, ya udeh segitu dulu ceritanye, selamat tidur ya warge, mohon maaf kalo ade salah2 kate
wassalam
~ Ketua Rt Republik Uyeeh
Tidak ada komentar:
Posting Komentar