"kong, kadang ngiri ye, liat orang yg sibuk sekoleh, kerja, pada ganteng mo pigi ke kota, ko udin giniii mulu, cuma ngangon tiap ari,. " kate udin sedih,
"diin,. Din, masih beruntung lu punya kambing, kaga kurang satu apapun,.Masih bisa liat, bisa jalan punya kaki,. Kalo lu jelek, dekil, itumah udeh dari sanenye, ditambah lu males mandi,makin apek lu,. Jiahahaha... " kate kong rt
ngeledek
"yahh, kong Rt, malah nyindir,. Udin serius kong, seandainya babe masih ade, pasti udin tinggi sekolahnye, bisa bawa emak ke kota," kate udin,
"emang diin, pendidikan itu penting, wajib lu nyari ilmu, kate nabi ape " carilah ilmu sampe ke negri cina" itu kalo lu ngejar dunia,. Tetep aje orang cine nyari kitab suci ke arab juge "journey to the west" noh sun go kong,. Kera sakti, yang bengalnya kayak elu,." kate kong Rt becande,
"ahh kong Rt kaga nyambung " kate udin asem
"din., idup ini indah, kalo lu bisa mikir, makenye cari ilmu setinggi-tingginye, lu mesti pandai ngebaca ayat-ayatNYA, yang bertebaran dilangit dan dibumi, semut yang berjalan aje itu tanda-tanda kebesaran Nya, bagi orang yang mau berfikir " kate kong Rt
"ah belibet kong, ga ngerti, iye udin pengen punya ilmu, tapi sekoleh kan mahal, jual kambing semua aje, belum tentu kebayar " kate udin,
"nah itu salahnya elu, lu anggap, ilmu itu sekolah aje,. Banyak contonya din, ga perlu kong omongin,. Cari ilmu, yang bener-bener ilmu,.Berguna buat orang banyak,. Cari ilmu kemane aja lu jalan, ilmu dari Allah juga, kalo lu dah siap, udeh pantes, pasti Allah kasih ilmu buat lu,
" Dan, Dia telah mengajarkan kepadamu apa yang belum kamu ketahui. Dan adalah karunia Allah itu sangat besar. " (QS. An-Nisâ :113)
" Sesungguhnya, Aku mengingatkan kepadamu supaya kamu tidak termasuk orang-orang yang tidak berpengetahuan. " (QS. Hûd: 46)
makenye, cari ilmu din, biar lu kaga susah terus, jangan lupa berdoa, biar dapet petunjuk ame Ridho Nya,
" Dan, katakanlah: "Ya Rabb-ku, tambahkanlah kepadaku ilmu pengetahuan. " (QS. Thâhâ: 114)
"tapi bener kong, udin malah makin pusing, ga ngerti kong ah " kate udin garuk kepale
"itu artinya, hikayat ilmu bukan dari orang, percume kong panjang-panjang ngomong, kalo Allah pengen lu ngerti, insha Allah lu bakal ngerti, yang penting terus usahe lu cari ilmu, dari manapun jalannye" kate kong Rt,
"yahh, kong Rt, yang udin ngerti cuma satu, sepinter-pinternya udin, kaga punya ijazah ya ga laku " kate udin
"terserah lu aje din, makanye baca, banyak noh sarjana nganggur, banyak orang pinter jadi koruptor, tapi banyak juge orang yang ga sekolah, tapi jadi orang berguna karena ilmunya, nabi aje ada yang pernah jadi Tukang jahit, pedagang, Rasulullah S.A.W juge dulu ga malu jadi penggembala kambing, ga mikir juga lu" kate kong Rt
"iya kong, rada ngerti kali sekarang, tapi tetep aje pusing, hehee " kate udin,
"hmhhh, ya udeh, sekarang yang penting lu bersyukur aje ama yang lu punya, jangan suka ngiri liat orang lain, segale sesuatu udeh diatur ame yg nyiptain kite, insha Allah "
" Sebab itu, berpegang teguhlah kepada apa yang Aku berikan kepadamu dan hendaklah kamu termasuk orang-orang yang bersyukur. " (QS. Al-A'râf: 144)
" Kami telah menentukan antara mereka penghidupan mereka dalam kehidupan dunia. " (QS. Az-Zukhruf: 32)
intinye , terima aje, setiap pembagian Allah dengan ikhlas dengan penuh kerelaan hati,.
Hmmhhh, ya Allah, ampunilah kami, yang kadang suliiit banget buat iklas,.
Tambahkanlah ilmu bagi kami, dan jadikanlah kami termasuk orang-orang yang bersyukur, dan termasuk orang-orang yang berpikir, amin
haduuh,. Ga kerase udah sore, maaf ye warge kalo ade salah-salah kata,
wassalam
~ Ketua Rt Republik Uyeeh
Tidak ada komentar:
Posting Komentar