"hadooh, sereeem kali kalo jam segini nonton berita, pembunuhan, pemerkosaan, Masa Allah, Jadi buat ape dipikir-pikir pade Sekoleh kalo kenyataannya pada Biadab kayak geto..
Itu lagi noh, ade mayat ditemukan gitu aje, kaya kucing kelindes truk aje... Udeh ahh, pindahin ga kuat nonton beritanye..Sereeemm "
cetrekk... Cetrekk (ganti chanel TV jadul)
"Busyeeet.... Nah ini baru hiburan,jiahahaha... Lucu,. Lucu,.Ini yg babe suka...Apa lagi ntu tuh... Waduhhh.. Bohai bener artisnye, Pahanya panjang,.Huhh merinding coba c mpok minah kayak gitu, tiap malem pasti begadang,kaga tidur lagi ma kohkol di Pos Ronde,,.jiahahaha..Astagfirullah..."
tibe-tibe dateng Bianca anak Pa Rt,baru pulang sekoleh..
"assalamualikum be,.
Be,. Tau ga c Ratih tuh, tetangge kite udeh keluar dari sekolah" kate Bianca
"emang knp, pulang-pulang langsung ngegosip lu, bukannye ganti baju"kate Pa Rt
"Hamil be,. Udeh 4 bulan, ame si kosim tu pacarnye,"
"ya ilahh... Bener tu neng,.awas lu ye, kalo lu gaul yg kaga bener, gw pecat jadi anak, deuhh ya Allah,. Jauhin ..Jauhin keluarga aye, ape lagi ini neh, si Bianca anak kite satu-satunya, jangan kebawe sekaba-kaba, amin,.awas lu ye, mulai besok ganti Rok nye tu, kayak kaga kebeli kaen aje, lu kan mau belajar, seragam yg bener, bukannya tiap pagi dangdan bejam-jam kayak mau manggung dangdut" kate Pa Rt melotot
" idiiih, babe, ko nyalahin bianca sih, orang cuma kasih tau, kan bukan bianca be, suseh ahh, Ngomong ama babe... Kaga Gaul..." kate Bianca
"Gaul... Gaul ... Mau lu di Gaulin Ame Penyakit, kesusahan, ahh udeh ahh,. Darah tinggi babe kalo liatin lu neng, mending nonton lagi,.Weishh.. Cakeepp tu cewe"
"iyahh,. Ci babe, bisa aje Nasehatin, tontonan nye sendiri, asyiiik ya be" kate bianca ngeledek..
Terus kong Rt ngelamun,
"hadooh bener ye, ampuuun ya Allah, gimane gw benerin, kalo gw nye kaga bener,.Berarti ancur neh acara TV, tiap hari adegan nya yg kaya gini, jangan Kate anak Mude yg pasti penasaran ame rasanye,.Gw aje yg Udeh kawin,ngedadak pengen lagi...Haduuuh, ampuuun Ya Allah,. Lindungi kami Semua dari sesatnya jaman, dan jadikanlah kami, termasuk golongan orang yang berfikir... Amin..
Maaf ye Warge, kalo ade salah-salah kata..
wassalam
~ Ketua Rt Republik Uyeeh
Tidak ada komentar:
Posting Komentar