" haduuuh kong bete banget, ya Allah, kenape selalu udin ?? " kate udin masuk ke rumah kong Rt,
" Allahu Akbar !! , kenape lu din? Masuk maen nyelonong aje, kaga ada ketuk, kaga ada salam, kenape lu? " kate kong Rt kaget
" warung emak dibobol maling kong, untung kaga semuanye, pintunye dibongkar, kenapeee mesti keluarga udin lagi, noh orang kaye bobol tu, jangan orang susah kayak udin, tega amat sih " kate udin
" ya Allah, bener warungnya dibobol din? Udeh lapor polisi " kate kong Rt nanya
" Ngapain lapor segale kong, kaga bakal di liat orang kayak udin, ilang ayam, mesti bayar pake jual kambing,.Coba kalo orang gede, yg ilang cuma sepeda butut aje, padahal die punya mobil, Sepolsek turun semue, kalo udin yang lapor, malah makan ati" kate udin sewot
" hmm, diiin, din, buruk sangke mulu lu, ya udeh lu sabar ya din, semua udah kehendak Nya, iye ntar didesa, kong ngumpulin warga biar cari gimana bagusnye, sabar ye, ini udah terjadi " kate kong Rt nyabarin
" Tiada suatu bencana pun yang menimpa di bumi dan (tidak pula) pada dirimu sendiri melainkan telah tertulis di dalam kitab (Lauh Mahfudz) sebelum Kami menciptakannya. Sesungguhnya, yang demikian itu adalah mudah bagi Allah. " (QS. Al-Hadîd: 22)
" Dan, sungguh akan Kami berikan cobaan kepadamu, dengan sedikit ketakutan, kelaparan, kekurangan harta, jiwa, dan buah-buahan. Dan berikanlah berita gembira kepada orang-orang yang sabar. " (QS. Al-Baqarah: 155)
Ade-ade ajeee yang terjadi, tapi kaga ade yg bisa dilakuin selain sabar, ikhlas, serahin semue ame yang di Atas, semuanye udeh ada Qada dan Qadar nye,.
Hmmm, kaga tau lagi deh kong mo ngomong apa lagi, insha Allah semua yang terjadi ade hikmahnye, ade kebaikan dibelakangnye, semoga Allah ampunin dosa-dosa kite, dan kita dijadiin yang termasuk kedalam golongan orang-orang yang bersabar, walau kong sendiri masih jauuuh dari bener,. ampuuun Ya Allah,.amin,.
Ya Udeh, maaf ye warge kalo ada salah-salah kate,.
Wassalam
~ Ketua Rt Republik Uyeeh
Tidak ada komentar:
Posting Komentar