Keluarga Cemara - Warisan

"diin... Sini din?" kate kong Rt sambil bebaring dikasur,

"iye kong ade ape?" kate udin trus nyamperin,

"din, panggilin si Bianca sini, babenye masih sakit, masiiih maen trs"kte kong Rt

trus si Udin pigi nyari bianca sambil lari2, soalnye waswas liat kong Rt yg udeh pucet.. Ga lame, udin ketemu ma bianca anak kong Rt,

"bianca... Babe lu... EngKong.. EngKong..Hhhh " kate udin tersengal,

"kenape babe din... Babe knp din..." kate bianca kaget,

"ya udeh, samperin dulu aje,.Emak udeh disane nungguin engkong" kate udin,

udin ma bianca lari buru2 ke rmh kong Rt..
Ga lame, merekapun nyampe, keliatan mpok minah lagi nangis disamping kong Rt,. Yg terus aje batuk2..

"uhuk.. Uhuk.. Hadooh.. Uhuk,.Din.. Mahh, .Bianca,. Maafin aye yah..Uhuk.. " kate kong Rt maksain ngomong,

"udeh.. Udeh be... Jangan ngomong lagi, mamah sedih liatnye " kate mpok mineh,

"iye be, minum dulu, istrahatin " sambung bianca,

Si Udin cm diem aje, kebayang babenya, yg saat mo pigi, si Udin malah maen... Ga lame suasana hening, kong Rt ngomong lagi,

"mah.. Din, bianca, maafin babe ye, takutnye... Uhuk..Uhuk.. Hadoh.. Babe ade pesen aje neh..Uhuk " kate kong Rt..

"emang ape be,. Udeh ah beh"

"itu mahh,. Taneh 3 hektar di sawangan,. Jangan dijual ye,.Trus itu din,. Kambing 26 ekor, jgn sampeee ilang, trus ini bianca,. Rumeh gedong nyang dibogor udeh lame ga babe liat, jangan diapa2 in ye ?Uhuk.." kate kong Rt..

Udin , mpok minah, ama bianca, tampak bercahaya, kaga nyangka kalo rupanye, kong Rt banyak simpenan,. Trus mpok minah nanya,

"Emang kenape be, tanahnye ga boleh dijual, kambing nye ga boleh ilang, trus rumah nye jgn diapa2in.,hebat ye babe..Emang knp be,jd penasaran mamah" kate mpok mineh,.

Trus kong Rt ngejawab,.

"Soalnye bukan punya babe... Jiahahaha.. Uhuk.. Uhuk.. Lahh lu.. Lu pade.. Harte aja lu pikirin,. Emang penting harta lu sama dengan harga diri lu, tapi jangan gini juga... Jiahahaha...Uhuk.. Uhuk.. Udeh ahh, babe blm mau mati, masih banyak dose, moga aje Allah manjangin rejeki, nambahin iman ame umur kite amiiin"

"ya babe.. Masih sakit, becande mulu,. Awas ye kalo minta aer,kaga bakal mamah kasih,.Hmhhh" kte mpok minah mareh,

"iye be ahh,. Ngagetin aja,." sambung bianca,.

Trus semue pada pergi ninggalin kong Rt yg masih sakit..

Yahh nasib... Nasib... Org suseh, sakit aje pada ninggalin, coba gw pejabat yg sakit, baru batuk aje berbondong2 ke rumah,. Ngarep duit, bukan nye doain sembuh,.Jiahahaha... Segitu aje ye warge...Hadooh masih sakit neh,. Doain aye ye,. Ame maafin kalo ade salah-salah kata,.

Wasallam

~ Ketua Rt Republik Uyeeh...