Ceritanya si Udin baru pulang dari kota abis ngelamar kerja, pulangnye ngelewatin Rumah kong Rt yg kagak jauh dari Rumah Udin
" Wudduhhh, dari mane lu din, ganteng amat pake kemeja segale, sini dulu lu " kate kong Rt yg lagi asyik nyantai didepan rumeh manggil Udin
" ade ape sih kong, laper neh, pengen pulang " kate udin sambil ngehampirin Udin
" iye, makan disini aje, sekalian bawa in buat emak lu " kate kong Rt,
" emang ade ape kong, " kate udin penasaran
" gak din,. Pengen tau aje ceritanye rapi gitu,. Emang dari mane ? " tanya kong Rt
" Ngelamar kerja kong, tapi kagak diterima, dari kemaren2 udin masukin lamarannye, ehh, giliran tadi di wawancara... Apa sih namenye,. Viu... Viu geto.. Oh iye, interview.. Ehh kaga diterima, males ngelamar lg ahh udin " kate udin kusut
" ya,. Elu sabar aje, emang tau dari mane lu ga diterima " tanye kong Rt lagi,.
" iye udin kan ditanye, mo gaji berape,. Seneng banget udin ditanye geto, terus udin jawab 35 juta ,kate udin,. Itu kan udeh udin itungan, ama keperluan semuanye, biar cepet kaya,. Ehh,. Udin malah diusir dimarahin " jawab udin
" Jiahahaha... Dasar stress lu, mane ade yg mo gaji segitu, ijazah pas-pasan,. Kecuali kerja sendiri,. Ekspor to kerak telor ke belande... Jiahaha " kate kong Rt ketawe gede
"ye,. Salah sendiri yg nanye,. Kan nanya minta berape,. Ya jawab seadenye aje,. Huhhh " kate udin kesel
" din, din., sabar ye,. Insha Allah,. Belum waktunye kali,. Kong percaye,. Kalo semuanye udeh ade yg ngatur, termasuk rejeki kite " kate kong Rt nenangin c udin yg lagi kesel
" Maka bersabarlah kamu dengan sabar yang baik. " (QS. Al-Ma'arij: 5)
" Maka kesabaran yang baik itulah kesabaran-Ku. dan Allah sajalah yang dimohon pertolongan-Nya terhadap apa yang kamu ceritakan " (QS. Yûsuf: 18)
" Dan, tidak ada suatu binatang melatapun di muka bumi melainkan Allah-lah yang memberi rejekinya " (QS. Hûd: 6)
" Apa saja yang Allah anugrahkan kepada manusia berupa rahmat, maka tidak ada seorang pun yang dapat menahannya. Dan apa saja yang Allah tahan, maka tidak seorang pun yang sanggup untuk melepaskannya sesudah itu " (QS. Fâthir: 2)
Maha Benar Allah, dengan segala Firman-Nya
hmmhh,. Kadang kong juga ga sabar, pengen buru-buruuu aje dapet sesuatu,. Ampuuun ya Allah,.Kadang kong juga ngerase kong sendiri sanggup nyari,. Padahal bukan,. Semua ini Milik - Nya,.. Ampun ya Rabbi..Ampunilah hati ini,.
Amin
Mohon maaf ya warge kalo ade salah-salah kate
wassallam
~ Ketua Rt Republik Uyeeh
Tidak ada komentar:
Posting Komentar