Refresh Republik Uuyehh - Ayam Kong Rt

~ Refresh Republik Uyeeh

" Mpok, knape panas-panas gini ngelamun? " kate kong RT, heran liat emaknya udin ngelamun depan rumeh

" Nggak ade ape2 kong, lagi inget si Udin aje, sepi juge kalo ga ade die, ga ada yang ngeselin lagi " jawab emak sedih

" Udeh ah, biarin aje, si udin kan udah gede, laki-laki lagi, mesti berani die keluar rumah, jangan dikangenin mulu, mending doain aje, biar die bisa mandiri di luar sane " Kate kong Rt nasehatin

" tapi si udin beda kong, umurnye aje nyang udeh tue, kong juga tahu kan, kalo si udin itu bego, mane pelupa, panikan, jd khawatir kalo inget itu, susah banget punya anak kyak c udin, hmm " kate emak

terus tibe-tibe kong RT ikut ngelamun kebyang si Udin, kong RT jadi khawatir juga

" iyee.. yee mpok, jd inget dulu begonya si udin, inget nggak mpok waktu kemaren ayamnye mati kegeletak depan rumeh? " tanya kong RT

" Iye kong, hehehee, jd inget lagi, waktu si udin nangis ayamnye mati kan?, terus dia nanya ama aye: mak ayam nya kenapa mak ko ga begerak lagi, ga lari-lari ngejar Udin, cuma ngegeletak aje di taneh " terus aye jawab : " ayamnye udah diangkat ke langit ama Tuhan, udeh bahagie, jd ga boleh sedih ya, trs jawab si udin;

" udin kaga sedih mak, tapi udin bingung. katenye diangkat ame Tuhan kelangit tapi ko dibuang lagi kesini, "

" hahaha, udeh gitu, gue diem deh, kaga bisa ngamong lagi,   hahhh din,, diiiin,, emak kangen, baek baek ya lu disane, aye percaya ALLAH pasti punya rencana baek buat elu, biar lu bego, pasti ade alesannya... ilmu ... harta,,, semuanye dari Allah,, sabar ya din, emak tunggu lu pulang " kate emak lagi

hahhh, jd sedih kangen si udin, ya udeh yee, met sore warge, moga hari ini bakal jadi hari indeh buat kite semue,,, amiiin

wassalam

~ Ketua RT Republik Uyeeh