Ceritanye c Udin dituduh nyuri dirumeh Pa haji Samin, tapi udeh kelar kejadiannye, si Udin di selametin ame kong Rt yg kaga percaya udin nyuri kalo ga ade bukti,.Sekarang kayak biase udin ikut nimbrung dirumah kong Rt
" diiin, apes banget sih lu, ampe ampir diarak warge, emang bener lu kaga ngambil HP nya Pa haji, " kate kong Rt
" Allahu Akbar, ya ga kong, mane udin berani, ga pernah udin punya niat kayak geto, mentang-mentang udin miskin kaga kerja, dikit-dikit udin yg disangke, iye udin butuh duit, tapi ga mau udin sampe ngambil punya orang " kate udin sewot setengah mareh
" iye ... Iye,. Kong kan cuma nanya aje biar jelas, " kate Kong Rt
" kong, udin sakit hati, bukan masaleh udin susah, tapi difitnah itu bener-bener kejam, udin takut ketemu Emak, dari kecil udin selalu disalahin, katanye udin selalu bikin malu, udin ga mau liat emak nangis, tega banget orang yang udeh nuduh udin " kate udin nangis,
" hmm,. Iye kong ngerti,.Emang bener fitnah lebih kejam dari pada pembunuhan, ya udeh kong bunuh aje elu ye,,. Jiahahaha,. Astagfirullah,. Becande ... Becande,.Maksudnye bunuh males ame begonya elu tu,. Udeh ah jangan mewek lu, jgn dianggap tuduhan orang, makanye lu berubah juga dong, biar ga gampang jadi cemoohan "
" Mereka sekali-kali tidak akan dapat membuat mudharat kepadamu, selain dari gangguan-gangguan celaan saja. " (QS. Ali 'Imrân: 111)
" Dan, janganlah kamu hiraukan gangguan-gangguan mereka dan bertawakallah kepada Allah. Dan, cukuplah Allah sebagai pelindung. " (QS. Al-Ahzâb: 48)
" Maka, Allah membersihkannya dari tuduhan-tuduhan yg mereka katakan. " (QS. Al-Ahzâb: 69)
Maha Benar Allah dengan segala firman Nya
" tapi udin takut ama emak kong, tadi di kelurahan, emak ga mau liat udin, udin takut di usir dari rumeh lantaran emak malu, ya Allah, udin serba saleh, ga tau mesti gimana, " kate udin resah
" udeh, lu pulang aja, ga usah takut kalo emang lu bener,. Temuin emak lu dulu tuh, kali aje die khawatir mikirin lu, sabar lu din, serahin semuanye ame Allah,. Hidup lu bakalan lebih rumit kalo di serahin ama anggapan orang,. Naudzubillah ... "
" Dan, aku menyerahkan urusanku kepada Allah. Sesungguhnya, Allah Maha Melihat akan hamba-hamba Nya. Maka, Allah memeliharanya dari kejahatan tipu daya mereka. " (QS. Al-Mu'min: 44-45)
Maha Benar Allah, dengan segala firman Nya,
hmmhh,. Ga kerase udah Adzan Ashar lagi warge,. Ampuuun ya Allah, kalo kadang hati ini mudahnya menuduh, mudahnya buruk sangka, Lidah ini mudahnye nyakitin hati, ampuni hati ini, ampuni raga ini,. amin
mohon maaf ya Warge kalo ade salah-salah kata
wassalam
~ Ketua Rt Republik Uyeeh
Tidak ada komentar:
Posting Komentar