~ Refresh Republik Uyeeh
Ceritanye si Udin ampir sebulan di rantau, jauh dari emaknye, tapi sedihnye, si Udin belum juga dapet kerja, uangnye ampir abis, si Udin bingung banget, mo sms kaga tau ma siape, minta kirim ame emaknya, si Udin tau emaknya kaga punya duit, sampe akhirnye,. Si Udin nangis sehabis shalat,. Kaga tau mo apa lagi,. Cumee... Dasar namenye si Udin,. Kebayang kaga? Masa si Udin bikin Surat buat Tuhan, Begini ceritanya:
" aduhh, ya Allah Udin bingung,. Udin ga tau mo ngapain, mo nyuratin, nyuratin siape, mo nyuratin emak, takut emak khawatir,. " kate si udin ngomong sendiri
lame si Udin ngelamun di kost an, ampe akhirnye, die ambel kertas,. Terus nulis surat,. Begini isinye
kepada yth : Tuhan
dear Tuhan
ya Tuhan, udin bingung, udin butuh duit, buat manjangin bertahan disini, udin ga tau, mesti minta ama siape, mesti gimane nyarinye, cuma Engkau ya Tuhan yg udin kenal, ga banyak ya Tuhan, seratus rebuuu aja, buat ongkos udin cari kerja lagi,. Mau nyuratin emak, takut emak sedih, Maaf ya Tuhan udin udah lancang, udin percaye, hanya Engkaulah yg tulus sayang ame udin, segini dulu aje suratnye ye, udin ga tau mesti nulis ape lagi, udin juga malu, atas perhatiannye, terima kasih sebelum dan sesudahnye
wassalam
udin
udeh gitu, kaga banyak mikir lagi, si udin masukin tu surat ke kantor pos,
ga lame,. Dateng pak pos buka kotak surat, diperiksa semuanye, begitu liat surat si Udin,. Ketawe tu pak pos,.
" dasar orang gila, ade-ade aje, kemane nyarinye alamat Tuhan " kate pak pos terus dibuangnye surat si Udin ketengah jalan
setelah itu,. Nah, ade dua orang polisi, patroli pake motor, pade becande sambil jalan, diliatnye surat itu,
" kapten, tu ape tu,. Kayaknya ada surat jatuh ditengah jalan, masi bagus tu " kate pa polisi
" iya,.Iya tu,. Berhenti dulu, kita liat " kate kapten
singkat cerita, dibacalah itu surat,.. Ama kedua polisi itu
" hahahaha,. Orang edan, masa nyuratin Tuhan " kate kapten sambil terus ketawe
"hahaha, iya kapten,. Stress ne orang yang nulis, ada-ada aja, " kate anak buahnye
"hadooh,. Hahaha, sakit perut neh ketawe, ya udeh, biar makin enak ketawe, kita kerjain si udin yg nulis suratnye " kate kapten
"hahaha, siap kapten, jd gimana"
" kita balas suratnye, sambil kita isi uang, saya punya 50rb , km sisanya " kate kapten
"aduh kapten, saya cuma punya 20 rb " kate anak buahnye
" ya udeh, ga ape2, siniin " kate kapten
singkat cerita, tu polisi iseng bikin surat balasan, pura2 dr Tuhan,. Begini isinye
Kpd yth
Udin
din, ade2 aje lu minta duit, makanye, jadi orang jangan males lu, tapi setelah gue baca suratnya, gue tau, berhubung lu sayang ama emak,. Jadi gue juga sayang ama lu, ya Udeh, kali ini aye maafin, tapi bener ye,. Uangnya pake baik2, jangan buat yg kaga-kaga,. Ya Udah,. Tuhan lagi sibuk neh, masih banyak yg berdoa, bukan lu aje,.
Wassalam,
Tuhan
singkat cerita, abis nulis surat isengin si Udin, pada ketawe tu polisi, ga sabar pengen liat tampang si Udin,. Orang bego yg berani suratin tuhan
dicarilah alamat si Udin,. Dan akhirnya ketemu
"assalamualaikum... Ada orang dirmh " kate pak polisi ketok kost an si Udin,
terus si udin keluar kostnya, kaget die, mukenye pucet, liat polisi nyari die "
" a.. A... A.. Ade ape pak, saya salah ape " kate si Udin gemeter
" siang dek, ini bener dengan Udin " kate kapten, sok sok galak
" i... Iye pak " kate udin
" ga apa-apa din, kita cuma dapet titipan surat aja, " kate pak polisi
ngedenger itu, si Udin bingah banget, die yakin , kalo itu surat balasan dari Tuhan,
singkat cerite, diambil itu surat ame si udin,. Kedua polisi itupun keluar, nahan2 tawa,. Sampe dimobil patroli, baru mereka ketawa seledak2nya
Dibacalah dengan seksama isi suratnye ame si udin, seneeeng kali hati si udin, ditambah ade duitnye,. Die kaga nyangka,. Bakal dapat balesan, cuma pas dia hitungnye, tiba-tiba wajah si Udin jadi asem,. Dia inget minta uang ama Tuhan seratus rebu,. Tapi die cuma dapet 70 rb, dipikirannye,. Ga mungkin tuhan kaga punya duit,.
"dasar Polisi " kate si udin asem,.
Gilenye lagi, si udin rupanya ga seneng, terus dia nulis surat lagi,. Begini isinye
kepada yth
Tuhan
dear Tuhan,
ya Tuhan, makasi sebelumnya, maaf ngeganggu lagi, surat ini sekedar informasi, kalo uang yang udin minta, udah nyampe ma udin, makasi ye,. Cuma ade yg ngeganjel di hati udin, bukannye ga ikhlas, cuma kalo udin ga bilang, udin takut dosa,. Jadi ya Tuhan,. Uang 100rb yg udin minta, udin dapetnya cuma 70rb,. Bukannya buruk sangka,. Cuma entar-entar lagi, kalo nitip duit ame udin,. Jangan ame polisi,.
Segitu aja ya Tuhan,. Maaf ngeganggu,. Juga ampuni dosa udin yg lancang ini
wassalam ...
udin
jiahahaha,. Segitu aje ceritanye,. Semua ini hanya fiktif belaka,.Jangan dianggap serius ya warge, cuma, semoga ade hikmahnye buat kita semua,. Amin
wassalam
~ Ketua Rt Republik Uyeeh
Tidak ada komentar:
Posting Komentar