~ Renungan Republik Uyeeh ~

"din, ngapaen lu, dagang malah ngelamun aje, tu ade yg beli, pegi lagi dah.. " kate kong Rt

"hehee, iye kong,. Udin lagi fokus liatin macet, udeh sumpek jalan, mo tahun baru, kapaaan ya, udin punya mobil, ikut macetin jalan, " kate udin

"iahh, pagi-pagi udah ngelamun, kerja dulu lu yg bener, kita orang muslim,.Kaga boleh panjang angan-angan,.Kata nabi kite juga apa,.Yg paling jauh itu angan, yg paling deket itu mati, yg paling mudah itu dose, yg paling susah itu sabar" kate kong Rt

"sadis amat si kong, pagi-pagi udeh nyuruh udin mati, emang kaga boleh udin ngehayal jadi orang kaya,.Jadi orang miskin ngomong salaaah mulu,. Hari libur, orang laen plesiran, yee udin dagang aje dapet usiran " kate udin,

"bukan geto din, lu sensitif amat sih, maksudnye, lu nikmatin aje, kerja yg bener, kaya itu bukan dilamunin, tapi diusahain. " kate kong Rt

"ya iia lah, orang miskin kayak udin sensi kong, ada yg nasehatin kayak dihina,. Coba kong rt kaya udin, same aje, gelaaap kong " kate udin mareh

"yah terserah lu din, emang yang suseh itu sabar, bener kata sahabat nabi yg doanya indah banget " ya Allah, jadikanlah aku ridho akan Qada dan Qadar ku, agar aku tahu, setiap yg untukku pastilah untukku, dan yg bukan untukku takkan pernah menimpaku "

"Katakanlah: "Sekali-kali tidak akan menimpa kami, melainkan apa yang telah ditetapkan oleh Allah bagi kami." (QS. At-Taubah: 51)

"Tiada suatu bencana yang menimpa dibumi dan (tidak pula) pada dirimu sendiri, melainkan dia telah tertulis dalam kitab (Lauh Mahfuzh) sebelum Kami menciptakannya." (QS. Al-Hadîd: 22)

hmmhh,. Ya udeh,. Maaf ye Warge kalo ade salah-salah kata, Jumatan dulu noh buat yg ngelaksanain,

wassalam

~ Ketua Rt Republik Uyeeh