~ Renungan Republik Uyeeh

" din, ngapain lu ngelamun aje, tp dah rapi lu pake sepatu segale, mau kemane lu? " kate kong Rt heran liat udin udeh rapi

" udin mo ke kota kong, tmn udin katenye mo nolong udin cari kerja " kate udin trs diem lagi

" ya udeh, ko belum pergi juge, ngelamunin ape lagi lu " kate kong Rt

" udin dagdigdug kong, masih ragu, udin takut dikota malah makin suseh jauh dari emak" kate udin

" ya Allah, din.. Din ... Hidup cuma mentar din, mumpung lu ade kesempatan, jangan sampe entar lu nyesel " kate kong Rt nasehatin

" iya kong, tp Udin ga biasa nekad " jawab udin,.

" emang kaga boleh lu nekad din, tp lu mesti bedain dong nekad ame tekad " kate kong Rt

"maksudnye " kate udin bingung

" maksudnye, kalo lu pengen berubah,. Lu kaga boleh jadi peragu, mesti punya tekad, sementara lu kan ade yg ajak kaga nekad,. Kalo lu pigi ga da persiapan, itu nekad,. Bikin susah "

"ahh, pusing kong ahh, makin bingung udin, hadooh pigi ga ya "

" hmm, dasar lu din, ya udeh tidur lagi sane, ngimpi aje selamanye,. Inget din,. Nggak semua yang kita hadepin bisa berubah, tp ga akan ada yg berubah kalo ga ada yg lu hadapin, tinggal pilih mane "

"iya ya kong, udin selame ini pengecut,. Iya kong,. Udin pigi ahh, doain ya kong " kate udin sambil berdiri salim ma kong Rt

" nah geto dong, insha Allah din, semua pasti bisa kalo kita usaha " kate kong Rt

" iye kong, semangattt " jawab udin lagi terus lari masuk ke dalem rmh mo pamit ma emak

{ Apabila telah ditunaikan shalat, maka bertebaranlah kamu di muka bumi, dan carilah karunia Allah dan ingatlah Allah sebanyak-banyaknya supaya kamu beruntung. } (QS. Al-Jumu'ah: 10)

{ Bekerjalah kamu niscaya Allah dan Rasul-Nya serta orang-orang mukmin akan melihat pekerjaanmu. } (QS. At-Taubah: 105)

{ "Berapa tahunkah lamanya kamu tinggal dibumi? " Mereka menjawab: Kami tinggal (di bumi) sehari atau setengah hari, maka tanyakan kepada orang-orang yang menghitung " Allah berfirman: " Kamu tidak tinggal (di bumi) melainkan sebentar saja, kalau kamu mengetahui " } (QS. Al-Mu'minûn: 112-114)

Maha benar Allah dengan segara firman-Nya

hadooh, ga kerase emang waktu cuma sebentar, kong juga same, kadang banyak ragu, banyak kosongnye, detik hari cuma di isi ame sia-sia,. Hmm, ya udeh,. Met sore ya warge, mohon maaf kalo ada salah-salah kate

wassalam

~ Ketua Rt Republik Uyeeh