~ Rehat Republik Uyeeh

" Kong,. Maksudnye ape tu di tv orang pade demo semue,. Untung udin kaga punya kendaraan ya kong,. Jd kaga pusing kalo Bensin naek "

" jiahaha,. Bego lu din, ya lu bakalan tetep suseh, giliran harga turun yg nikmatin yg punya mobil,. Kalo harga naek ya yg belangsak kayak lu tambah suseh, barang naek, angkot naek, biar kate lu kaga beli bensin "

" hahh, bener jg ye, brarti udin mesti ikut demo juge dong " kate udin lagi

" percume din,. Udeh ahh, kagak ngerti kong urusin yg kayak gitu,. Udeh setel film aje, kaga mutu beritenye " kate kong Rt mareh

" lo, ko jd sewot ame udin, pusing ya kong, ntar pangkalan ojeg punya kong Rt kaga laku,. Hahahaa,.. Tp katenye ade bantuan sosial, lumayan kan kong " kate Udin

" pokonya kaga,. Biar miskin kong kaga bakal nyalurin tu dana, andai kate dipecat jd Rt juge kage ape-ape " kate kong Rt makin nafsu

" diin warge uyeeh, biar kate kaga punya ape2 tp mesti ada otak ama harga dirinye, kita kaga butuh Bantuan Sosial,. Yang kong pengen Keadilan Sosial " sambung kong rt lg

" wahh, pernah sekolah dimane kong, ko tau? itu kan sila ke 5 pancasila,. Iye ya kong, pokonye paham,. Udin kaga butuh bantuan sosial, yang udin butuh keadilan sosial "

" hmm, udeh ahh,. Jd pabaliut,.Lg ga bisa mikir köng nye,. Mending tidur "

wassalam

~ Ketua Rt Republik Uyeeh